Ada burung yakob yg hobi makan sendal, klo ada tamu yang datang de sikat tamu pu sendal2,,jadi pace yang pu yakob kasih peringatan; "kalo satu kali ko makan tamu pung sendal sa kasih botak ko pu kepala,,"
brung yakob goyang kepala; "ok bos".
Satu kali ne ada orang bertamu di pace pu rumah,,pas tamu masuk ,,burung yakob lompat dan makan dong pu sendal2 kasih robek2 ,,
pas tamu mau pulang ..
"Iiihh knapa sa pu sendal2 su putus2 smua,,"
Pace : "oh itu sa pu burung yakob yg gigit ksih rusak,, nanti sa ganti beli baru."
Trpksa pace yg ganti sendal bru..
Skrang pace sidang yakob ,, "yakob sa sudah bilang ko jngan lg makan orang pu sendal,, tp ko masih makan,, sekarang ko dpat hukuman sa cukur ko pu kepala kasih botak"
Burung Yakob pu kepala di kasih botak baru di jemur di pagar ,,
Burung Yakob duduk d pagar ,dengan hati sedih.
Tra lama bgini ada orang yg kepala botak lewat depan pagar,, lansung burung yakob panggil dia.
"ST..SST.. OM OM.,"
pas orang yg botak itu balik dan lansung yakob ko bilang ,"KAWAN SA TAU KO PASTI KASUS MAKAN SENDAL JUGA TOOO.."
Hahahaha..
COMMENTS